အဂတိလိုက်စားမှု တိုက်ဖျက်ရေးကော်မရှင်နှင့် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနတို့ ပူးပေါင်းကျင်းပသည့် “လူငယ်နှင့် ကျင့်ဝတ်စံနှုန်းများ” လူငယ်စကားဝိုင်းကို (၆.၉.၂၀၂၄) ရက်နေ့ နံနက်ပိုင်းက နေပြည်တော်တက္ကသိုလ်များနယ်မြေရေဆင်းရှိ မွေးမြူရေးဆိုင်ရာ ဆေးတက္ကသိုလ်ရွှေရတုခန်းမ၌ ကျင်းပခဲ့ပါသည်။ အခမ်းအနားသို့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီး ဒေါက်တာအောင်ကြီး၊ အဂတိလိုက်စားမှု တိုက်ဖျက်ရေးကော်မရှင်အဖွဲ့ဝင် ဒေါက်တာ ထွန်းထွန်းဦးနှင့် ဌာနဆိုင်ရာတာဝန်ရှိသူများ၊ မွေးမြူရေးဆိုင်ရာ ဆေးတက္ကသိုလ်နှင့် စိုက်ပျိုးရေးတက္ကသိုလ်တို့မှ ပါမောက္ခချုပ်များ၊ ပါမောက္ခ ဌာနမှူးများ၊ ဆရာ ဆရာမများနှင့် မွေးမြူရေးဆိုင်ရာဆေးတက္ကသိုလ် ကျောင်းသား ကျောင်းသူများ တက်ရောက်ခဲ့ကြပါသည်။

မွေးမြူရေးဆိုင်ရာဆေးတက္ကသိုလ် ၂၀၂၄-၂၀၂၅ ပညာသင်နှစ်၊ ပါမောက္ခချုပ်ဖလား အမျိုးသား၊ အမျိုးသမီး အလွတ်တန်း ကြက်တောင်ရိုက်ပြိုင်ပွဲ ဖွင့်ပွဲ အခမ်းအနားကို ၂၀၂၄ ခုနှစ်၊ ဩဂုတ်လ (၉) ရက်နေ့တွင် စတင်ကျင်းပခဲ့ပြီး ဗိုလ်လုပွဲနှင့် ဆုချီးမြှင့်ပွဲ အခမ်းအနားကို ၂၀၂၄ ခုနှစ်၊ ဩဂုတ်လ (၁၄) ရက်နေ့တွင် ကျင်းပြုလုပ်ခဲ့ပါသည်။

မွေးမြူရေးဆိုင်ရာဆေးတက္ကသိုလ်၊ ဗုဒ္ဓဘာသာအသင်းမှ ကြီးမှူးကျင်းပသည့် (၃၃)ကြိမ်မြောက် ဝါဆိုသင်္ကန်း ဆက်ကပ်လှူဒါန်းပွဲ နှင့် ရေစက်ချ တရားတော်နာ အခမ်းအနားကို (၃.၈.၂၀၂၄)ရက်နေ့၌ ရွှေရတုခန်းမတွင် ကျင်းပပြုလုပ်ခဲ့ပါသည်။ နံနက်(၆း၃၀)နာရီတွင် သံဃာတော်များကို အရုဏ်ဆွမ်း ဆက်ကပ်လှူဒါန်းခဲ့ပြီး ဝါဆိုသင်္ကန်း၊ ထီး၊ ဖိနပ်နှင့် နဝကမ္မ ဝတ္ထုငွေတို့ကို ကပ်လှူခဲ့ကြပါသည်။ နံနက်(၇:၃၀)နာရီတွင် လှူဒါန်းမှုအစုစုတို့ကို ရေစက်ချ အမျှပေးဝေခဲ့ပြီး ကြွရောက်လာသည့် ဧည့်ပရိတ်သတ်များအား မုန့်ဟင်းခါးဖြင့် ဧည့်ခံကျွေးမွေးခဲ့ပါသည်။

မွေးမြူရေးဆိုင်ရာဆေးတက္ကသိုလ်၊ ဗုဒ္ဓဘာသာအသင်းမှ ကြီးမှူးကျင်းပသည့် (၃၃)ကြိမ်မြောက် ဝါဆိုသင်္ကန်း ဆက်ကပ်လှူဒါန်းပွဲ အဝင်နေ့ (၂.၈.၂၀၂၄)ရက်၊ သောကြာနေ့ည (၇:၀၀)နာရီတွင် ဆရာ၊ ဆရာမများ၊ ဝန်ထမ်းများနှင့် ကျောင်းသား/ ကျောင်းသူများက ဓမ္မစင်္ကြာတရားတော် ရွတ်ဖတ်ပူဇော်ခဲ့ကြပါသည်။ ကြွရောက်လာသည့် ဧည့်ပရိတ်သတ်များအား ကြက်သားဆန်ပြုတ်ဖြင့် ဧည့်ခံကျွေးမွေးခဲ့ပါသည်။

မွေးမြူရေးဆိုင်ရာဆေးတက္ကသိုလ်အား အာဆီယံဒေသအတွင်း အသိအမှတ်ပြုခံ တက္ကသိုလ်ဖြစ်လာစေရေး အလုပ်ရုံဆွေးနွေးပွဲကို မွေးမြူရေးဆိုင်ရာဆေးတက္ကသိုလ်၌ ၂၀၂၄ ခုနှစ်၊ ဇူလှိုင်လ ( ၂၅ ) ရက်နေ့တွင် ကျင်းပပြုလုပ်ခဲ့ရာ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီး ဒေါက်တာအောင်ကြီးမှ အဖွင့် အမှာစကား ပြောကြားခဲ့ပါသည်။ အဆိုပါ အလုပ်ရုံဆွေးနွေးပွဲသို့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ညွှန်ကြားရေးမှူးချုပ်များ၊ ပါမောက္ခချုပ်များ၊ ဒုတိယညွှန်ကြားရေးမှူးချုပ်များ၊ ဒုတိယပါမောက္ခချုပ်များ၊ အငြိမ်းစား ပညာရှင် ဆရာ ဆရာမကြီးများ၊ ပါမောက္ခ ဆရာ ဆရာမကြီးများ၊ မြန်မာနိုင်ငံ တိရစ္ဆာန်ဆေးပညာကောင်စီ အဖွဲ့ဝင်များ၊ မြန်မာနိုင်ငံ…

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ မွေးမြူရေးဆိုင်ရာဆေးတက္ကသိုလ် ၂၀၂၄-၂၀၂၅ ပညာသင်နှစ်၊ပါမောက္ခချုပ်ဖလား မုတ်သုံရာသီ အမျိုးသား၊ အတန်းလိုက် ဘောလုံးပြိုင်ပွဲ ဖွင့်ပွဲအခမ်းအနားကို (၁၂.၇.၂၀၂၄) (သောကြာနေ့) တွင် ကျင်းပပြုလုပ်ခဲ့ပြီး ဒုတိယပါမောက္ခချုပ် (သင်ကြား) မှ အဖွင့်မှာစကားပြောကြားခဲ့ပါသည်။ အဆိုပါ ဘောလုံးပြိုင်ပွဲကို (၁၂.၇.၂၀၂၄) မှ (၂၂.၇.၂၀၂၄) ရက်နေ့အထိ ကျင်းပပြုလုပ်သွားမည် ဖြစ်ပါသည်။