မွေးမြူရေးဆိုင်ရာဆေးတက္ကသိုလ် (ရေဆင်း)၏ (၃၅)ကြိမ်မြောက် ဘွဲ့နှင်းသဘင် အခမ်းအနားကို (၃၀.၁၂.၂၀၂၃)ရက်နေ့ နံနက်ပိုင်းတွင် ဇေယျာသီရိမြို့နယ်၊ မွေးမြူရေးဆိုင်ရာဆေးတက္က သိုလ်၊ ရွှေရတုခန်းမ၌ အစီအစဉ် နှစ်ရပ်ဖြင့် ကျင်းပရာ ပထမပိုင်း အခမ်းအနားသို့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ပြည်ထောင်စုဝန်ကြီး ဦးမင်းနောင်၊ ဒုတိယဝန်ကြီးများ၊ အမြဲတမ်းအတွင်းဝန်နှင့် ညွှန်ကြားရေးမှူးချုပ်များ၊ ပါမောက္ခချုပ်များ၊ ပညာရေးအဖွဲ့ဝင်များ၊ ဘွဲ့ရမောင်မယ်များနှင့် ယင်းတို့၏ မိဘဆွေမျိုးများ တက်ရောက် ခဲ့ပါသည်။
ပထမပိုင်း အခမ်းအနားတွင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ပြည်ထောင်စုဝန်ကြီး ဦးမင်းနောင်မှ ဘွဲ့နှင်းသဘင် ဂုဏ်ပြု အမှာစကား ပြောကြားခဲ့ပြီး ထူးချွန်သော ဆရာမနှင့် တန်းစဉ်ပေါင်း ရမှတ် အများဆုံး ရရှိသည့် ကျောင်းသူများကို ဆုချီးမြှင့်ခဲ့ပါသည်။
